ل ڕۆژا ئێكشه‌مبێ ڕێكه‌ڤتى 28/08/2022 وه‌زاره‌تا خواندنا بلند و ڤه‌كۆلینێن زانستى ئێكه‌ڤین كۆنفرانسێ زانستى ب مه‌ره‌ما پێداچۆن و هه‌لسه‌نگاندن بۆ ره‌هه‌ندێن جودا جودایێن پرۆسێسا بۆلۆنیا ل هه‌رێما كوردستانێ ده‌ستپێكر
ب پشكداربوویا پسپۆرێن نشتیمانى و نیڤده‌وله‌تى و هه‌روه‌سا شاندێ زانكۆیا زاخۆ ئێكه‌م ڕۆژا كۆنفرانسێ پرۆسێسا بۆلۆنیا ل ڕۆژا ئێكشه‌مبێ ل باژارێ هه‌ولێر ده‌ست ب كارێن خۆ كر كو بۆ ماوه‌یێ دوو ڕۆژان درێژه پێدا.
ئارمانج ژ ئه‌ڤى كۆنفرانسى ئه‌و بوو پێداچۆن و هه‌لسه‌نگاندن بۆ ره‌هه‌ندێن جودا جودایێن پرۆسێسا بۆلۆنیا، ژبۆ وێ یه‌كێ ب ڕێكا گه‌نگه‌شه و دیبه‌یتێن زانستى كێشه و ئالۆژیێن به‌رامبه‌ر ئه‌ڤێ پرۆسێسێ بهێنه ده‌تنیشانكرن و نه‌خشه‌رێكێن گونجاى بۆ چاره‌سه‌رییان بهێنه دیاركرن كو بۆ ماوه‌یێ حه‌فت سالانه بریارا جێبجێكرنێ هاتیه دان.
ژبلى گۆتارا خواندنا بلند و پسپۆرێن نیڤده‌وله‌تى، د ماوه‌یێ دوو رۆژاندا هه‌شت پانێل هاتنه پێشكێشكرن و به‌شداربوویان گه‌نگه‌شێن ئه‌كادیمى سه‌باره‌ت چه‌ندین بابه‌تێن پێدڤى ب پێنگاڤێن جێبجێكرنێ كرن.
لدوماهیكێ هه‌ژییه بێژین، كو ئەڤ پروسە گرنگە بۆ زانکۆیێن هەرێما کوردستانێ، دێ هاریکاربیت بۆ هندێ خوێندکار د چەقێ قوناغا خواندنێدا بن و ژینگەهەکا پری داهێنان و پێشڤەبرنا شیانێن کارکرنێ و ژێهاتنێ یێن باشتر، هەروەسا دێ هاریکار بیت بۆ بەرفرەهکرنا ڕەهەندێن ناڤدەولەتیێن خۆاندنا بلند ل هەرێما مە، ئەوژی ب ڕێکا لێکگوهارتنا ماموستا و ڤەکۆلەر و قوتابیان و وەرگرتنا پشتەڤانیا ناڤدەولەتی بۆ کەرتێ خواندنا بلند.
